panyamdattasarma

Wednesday, December 4, 2024

డా. వైరాగ్యం ప్రభాకర్ గారి 100వ పుస్తకావిష్కరణ సభ - ఆహ్వానం

భవాని సాహిత్య వేదిక ఆధ్వరంలో కరీంనగర్ లో 8 డిసెంబర్ 2024న ఆత్మీయ సోదరులు డా. వైరాగ్యం ప్రభాకర్ గారి 100వ పుస్తకం ఆవిష్కరణ సభ జరుగుతోంది.
వంద పుస్తకాలు ప్రచురించడం ఒక చారిత్రాత్మక విజయం. ఆ అరుదైన సభలో ప్రధాన వక్తగా నాకు ఆహ్వానం. అది నాకొక గౌరవం 🙏🌹

Click on image to view in bigger size

Sunday, December 1, 2024

'అవధాన విద్యా సర్వస్వం' లో మా నాన్నగారి గురించి వ్యాసం

మా నాన్నగారు, అవధానరత్న, పౌరాణికరత్న, బ్రహ్మశ్రీ పాణ్యం లక్ష్మీ నరసింహ శాస్త్రి గారి గురించి, డా. రాపాక ఏకాంబరాచార్యుల వారు సంకలనం చేసిన ఉద్గ్రంథం, 'అవధాన విద్యా సర్వస్వం' లోని వ్యాసం.
ఆ మహనీయుని కడుపున పుట్టినందుకే, ఈ మాత్రం పాండిత్యం నాకు అబ్బింది.
నాన్నా! నమోస్తుతే 🙏🌹
నాకు ఆయన తండ్రే కాదు, గురువు కూడా. "తండ్రి హరి జేరుమనియెడి తండ్రి తండ్రి!". అటువంటి తండ్రి మా నాన్న!🙏

Click on the image to view in bigger size

నా నవల ‘శ్రీమద్రమారమణ’ - 4వ భాగం సంచికలో

డల్లాస్ లోని సిరికోన సంస్థ - నటసామ్రాట్ అక్కినేని శతజయంతి సందర్భంగా నిర్వహించిన, ‘స్వర్గీయ జొన్నలగడ్డ రాంభొట్లు - సరోజమ్మగార్ల స్మారక నవలల పోటీ’ (2023)లో ప్రథమ బహుమతి పొందిన నా నవల ‘శ్రీమద్రమారమణ’ - 4వ భాగం సంచికలో చదవండి.
~
శర్మగారు వారి పట్ల చూపుతున్న ఆదరణను చూసి, నీలకంఠ దీక్షితులుగారి ముఖం అప్రసన్నంగా మారింది. ఆయన నిరంతరం చెన్నకేశవుని సేవతో ఉన్నా, పరమాత్మ ప్రవచించిన ‘సర్వత్ర సమ దర్శన యోగం’ ఆయనకు వంటబట్టలేదు.
‘యానాదుల పిల్లవానికి దూదేకుల వాడు గురువు! సరిపోయింది. వాళ్లేదో మహా విద్వాంసులైనట్లు ఈయన వాళ్ల అడుగులకు మడుగులొత్తడం!’ అనుకున్నాడు.
(పూర్తి ఎపిసోడ్‌ని సంచికలో చదవగలరు)

https://sanchika.com/srimadramaramana-pds-serial-4/

పద్యకావ్యం 'శ్రీ లక్ష్మీనృసింహ మాహాత్మ్యము' 11వ భాగం లింక్

ఇవ్విధంబున దేవశ్రవ మునీంద్రుండు గాలవ మహర్షికి వెల్లడించె. ఆ జయవిజయులే, హిరణ్యకశిప, హిరణ్యాక్షులుగా దితి గర్భంబున నుదయించిరని ఎఱింగించెను.
మాలిని:
సకల మహిమ భాసా, సర్వ ధర్మ ప్రకాశా
చకిత దివిజ కీర్తీ, సత్య వాక్యానువర్తీ
సుకవి వినుతనామా, సుందరానంద శ్యామా
వికసకమలనేత్రా, విశ్వసమ్మోహ గాత్రా!

---
(పూర్తి ఎపిసోడ్‌ని సంచికలో చదవగలరు)

https://sanchika.com/sri-lakshminrusimha-mahaatmyamu-11/

‘శతసహస్ర నరనారీ హృదయనేత్రి, భరత ధాత్రి!’ 8వ భాగం లింక్

సంచిక మాస పత్రిక లో, శ్రీ మతి మాలతీ చందూర్ నవల 'హృదయనేత్రి' పై నేను వ్రాసిన పరిశోధక గ్రంథం, సీరియల్‌గా వస్తుంది. ఇది 8వ భాగం. 🙏

~
“భారత రాజధాని నవ్వటం మర్చిపోయింది. ఎక్కడ చూసినా శోకం, భయం” (పుట 109)
ఈ రెండు వాక్యాలు చాలు, Post-Independence India పరిస్థితిని చెప్పడానికి. హిందూ ముస్లింల సయోధ్య కోసం మహాత్ముడు నిరాహర దీక్ష ప్రారంభించాడు. కోట్లాది భారతీయులు ‘నిస్సహాయంగా’, ‘దూరంగా’, ‘దానిని’ ‘చూస్తూ’ ఉండేవారు.
ఈ పై వాక్యంలో ‘నిస్సహాయంగా’ అనే పదంతో చాలా ‘వెయిట్’ పెట్టారు మాలతి. అలా చూస్తున్నవారిలో గోపాల రావు కూడా ఉన్నాడు. నవలకు అతడు Protagonist (ముఖ్యపాత్ర) అయినా, దేశ పరిస్థితుల్లో అతడూ కోట్లాదిమందిలో ఒకడు మాత్రమే. అందుకే అతనిని ‘మహాసముద్రంలో నీటి బిందువు’తో పోల్చారు రచయిత్రి.
(పూర్తి ఎపిసోడ్‌ని సంచికలో చదవగలరు)

https://sanchika.com/shatasahasra-naranaaree-hrudayanetri-bharatadhaatri-8/

కార్తీక వైభవం ప్రవచనములు – నివేదిక లింక్

కార్తీక మాస సందర్భముగా శ్రీ జ్ఞాన సరస్వతీ ఆలయ ప్రాంగణములో (కోనేరు వద్ద, పెదబొడ్డేపల్లి, నర్సీపట్నం, అనకాపల్లి జిల్లా) తేది 25-11-2024 సోమవారం ఉదయం 10గం.లకు 'కార్తీక వైభవం' - ప్రవచనం చెప్పాను. ఆ కార్యక్రమంపై జెట్టి వంశీకృష్ణ అందించిన నివేదిక సంచికలో చదవగలరు.